РУХАНИ НӘР

Soltüstık Казахстан

 Kyzylzhar_akparat@mail.ru

№2 арнайы (түзету) мектеп-интернатында Мағжан Жұмабаев­тың 130 жылдығына арналған әде­би-музыкалық кеш өтті. Облыстық филармонияның солисі, “Сібір жұлдыздарды жағады” атты ха­лықаралық байқаудың лауреаты Сандуғаш Оңғарбаева қобызды нақышына келтіре тартып, ақын­ның “Япурай” өлеңіне жазылған әнді тамаша орындап берді. Кез­десуге Мағжан Жұмабаев атында­ғы жоғары колледждің қызметкері Зайни Сұлтанқызы қатысып, ата­лас туысы жайлы сыр шертті. Іс-шараға жиналғандар облыстық фи­лармонияның домбырашысы Бәйімбет Асылханұлы орындаған шығармаларды да жылы қабыл­дады.

Мағжан ақынның отансүйгіш­тікке тәрбиелейтін, адамгерші­лік­ке үндейтін өлеңдерін жоғары сы­нып оқушылары Т.Қалиасқарова, А.Уалиева, Т.Пчелинцева, Т.Үкі­басова, Д.Павлова, Д.Кравцова, Е.Кукса мәнерлеп оқып берді. Әде­би кеш қонақтары өз сөздерінде Мағжан Жұмабаевтың ХХ ғасыр­дың басындағы қазақ әдебиетін­дегі ұлы тұлға екенін атап көр­сетсе, тәрбиеші Ольга Щербакова өз ойларын слайдтармен тұжы­рымдап отырды.

Көпшіліктің сұрауымен Бәйім­бет домбырамен, Сандуғаш қо­бызбен сүйемелдеп, “Шашу” күйін тыңдармандардың көкірегіне ұя­ла­та білді. Осылайша ақынның шығармаларын сүйетін, бағалай­тын және құрметтейтін жерлесте­ріміз ерекше сезімге бөленіп, ру­хани нәр алды

Мектеп-интернат директоры Ризабек Какпенов іс-шараға қатысушыларға алғысын білдіріп, Ал­ғыс хаттар табыс етті.

Лариса КОВТУН,

№2 арнайы (түзету) мектеп-интернаты тарих пәнінің мұғалімі.