Шексіз сезім

Soltüstık Казахстан

 Kyzylzhar_akparat@mail.ru

“Қоғамдық даму және ақпарат орталығы” КММ-нің “Азамат­тық бастамаларды дамыту” бөлімі 8 наурыз – Халықаралық әйел­дер күні қарсаңында облыстық “Аналар – асыл жандар” он­лайн фо­тотүсірілім байқауын өткізді.

Байқаудың шарты бойынша та­лапкерлерден ананың шаңырақта­ғы орны мен рөлін көрсету, отба­сы­лық құндылықтарды насихаттау және баланың анаға деген сезімін жеткізу талап етілді.

Анасына деген сүйіспеншілігін, құрметін көрсеткісі келген жеткін­шектер аз болған жоқ, қатысушылар саны жүзден асты. Жас суретшіге қойылған талаптарды орындаған үміткерлердің еңбегі жоғары бағал­анып, жеңіс биігінен көрінді. Бірінші орынға Аққайың ауданындағы Пол­тавка орта мектебінің оқушысы Алек­садра Пактың шығармашылық ізденісі лайық деп ұйғарылды. Екін­ші орынды – Мамлют қазақ мектеп-интернатының оқушысы Ерлан Тө­ліпбаев, үшінші орынды Қызылжар ауданының Байтерек ауылындағы мектептің оқушысы Інжу Нұрболат жеңіп алды.

Жеңімпаздар арнайы сыйлық және дипломмен марапатталды. Барлық қатысушыға сертификат табыс етілді.

Жұлдыз ТОҚТАРҒАЗЫ,

“Қоғамдық даму және ақпарат орталығы” КММ”

Азаматтық бастамаларды дамыту бөлімінің маманы.