«Soltüstık Qazaqstan»

PDF

Мейірім – жүректен

Soltüstık Казахстан

 Kyzylzhar_akparat@mail.ru

Петропавлда іскер әйел­дер қауымдастығының ұйым­дастыруымен V рес­пуб­ликалық “Мейірімділік керуені” байқауының үздік­тері марапатталды. Қоғам­да игі ісімен көпке үлгі болып, айналасындағы жандарға аз­ды-көпті пайдасын тигізіп жүрген жандардың еңбегі 7 аталым бо­йын­ша бағаланды.

– Қоғамдық және қайырымдылық шараларымен айналысатын әрі әлеу­меттік, экологиялық, ағартушы­лық, мәдени және басқа да көптеген мәселелерді шешуге үлес қосып жүрген адамдар мен еріктілердің ара­сынан “Асар”, “Туған жер”, “Батыл жүрек”, “Мейірім жолында”, “Қайы­рымдылық тарихы”, “Бала жүрегі” және “Жануарларға мейірім” ата­лым­дары бойынша үздіктер анық­талды. Іс-шара өте қызықты әрі тар­тысты өтті, – дейді облыстық іскер әйелдер қауымдастығының прези­денті Сәуле Сүлейменова.

“Жануарларға мейірім” аталымы бойынша марапатталғандардың бірі – шаһардың 10 жасар тұрғыны Ға­лымжан Тіріжанов. Ғалымжанның анасы Елдана Қожахметова ұлының жануарларға деген мейірімі бө­лек екенін жеткізді. Өткен жазда Ға­лымжан қатарластарын жинап, топ құрып, иесіз қалған мысықтарға та­мақ беріп, арнайы жылы орын жаса­ған. Қолы бос әжелер де балалар­дың бұл ынтасын қолдап, көмектерін аямапты. Сөйтіп, жаз бойы бұл топ жақсы жұмыс істепті. Сол еңбегі ескеріліп мейірімді жан ретінде марапатталған.

“Мейірімділік керуені” респуб­ли­калық байқауы осымен бесінші жыл қатарынан ұйымдастырылып отыр. Игі ісімен, мейірімді қылығымен көзге түскен жандардың қатары жыл санап артып келеді.

Нұрбол БАЛҒАБЕКОВ.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp