Күміс жүлде иегері

Soltüstık Казахстан

 Kyzylzhar_akparat@mail.ru

Хокейден жастар арасын­дағы ел біріншілігі өз мәресіне жетті. Ақтық сында жергілікті “Qulager” клубы елордалық “Barys” командасымен ойнады.

Ойын ережесіне сәйкес, ел чем­пионы атану үшін бір команда 4 же­ңіске жетуі тиіс. Ақтық сынның бірінші және екінші ойыны Астана қаласында өткізіліп, жерлестеріміз екі ойында да 5:3 және 3:2 есебімен жеңілген болатын. Петропавлда өткен қос кез­десуде жанкүйерлердің қолдауымен есе қайтаруға тырысқан. Алайда бұл жолы да “Barys” басым болды.

Соңғы төртінші ойында жерлесте­ріміз жанкүйерлерге жеңіс сыйлау үшін барын салды. Бірінші минуттар­дан шабуылдауға кірісті. Бірінші болып есеп ашқан. Бірақ қарсыластар да осал емесі белгілі, көп шабуылдар­дың бірінде “Qulager”-дің қақпасынан саңылау тапты. Осылайша алғашқы кезең 1:1 есебімен аяқталды.

Екінші 20 минуттықта қарсылас қы­сымды күшейтті. Нәтижесінде қақ­паға 3 шайба дарытты. Үш кезеңнің қорытындысы бойынша матч 1:4 есебімен аяқталды. Елордалықтар бі­рінші орын алса, солтүстікқазақ­стандықтар күміс жүлдегер атанды. Ал турнир кестесіндегі үшінші орынға ақтөбеліктер тұрақтады.

Аманжол НҰРТАЗИН,

“Soltüstık Qazaqstan”.