Олимпиаданың қорытынды кезеңі

Soltüstık Казахстан

 Kyzylzhar_akparat@mail.ru

Қоғамдық-гуманитарлық ба­ғытта жалпы білім беретін пән­дер бойынша оқушылар арасын­дағы республикалық олимпиа­да­ның қорытынды кезеңі 18 сәуір­де басталып, 21 сәуірде аяқта­ла­ды. Зияткерлік жарыстың бұл са­йысына өңірден үздік деп таныл­ған 37 үміткер қатысады, олар­дың 15-і – ауыл мектебінің оқу­шылары.

Білім саласындағы әдістемелік жұмыс және ақпараттық технология­лар орталығы директорының орын­ба­сары Қуаныш Белгібайдың ай­туын­ша, былтырғы бәсекеде оқу­шылар 1 алтын, 4 күміс, 19 қоланы ол­жа­лапты. Бұл жолы талапкерлер 9 пән бойынша сынға түседі. Акаде­миялық адалдық пен ашықтықты сақ­тау мақсатында олимпиада барысын Оқу-ағарту министрлігінің, білім са­ласындағы сапаны қаматамасыз ету департаментінің, “Дарын” респуб­ли­калық ғылыми-практикалық орталы­ғының өкілдері қадағалайды. Олим­пиада өтетін орын бейнебақылау­ жүйесімен жабдықталған, іс-шара онлайн-режімде көрстіледі.

Әбу Досмұхамбетов атындағы облыстық дарынды балаларға ма­мандандырылған гимназия-интерна­тының оқушысы Адэля Дулатова өз бағын орыс тілі және әдебиеті пә­нінен сынамақ. 4 жыл қатарынан зияткерлік жарысқа қатысып жүрген ол былтыр республикалық кезеңде 2-ші орынды иеленген болатын. Бо­лашақтағы мамандығын осы пәнмен байланыстырмақ. Эссе жазуға көп уақытын арнапты.

Республикалық кезеңде облыс намысын қорғап жүрген оқушы­лар­дың білім деңгейі жылдан жылға ар­тып келеді. Зияткерлік жарысқа қа­тысып, жақсы нәтижеге қол жеткізген оқушылар халықаралық олипиада­ларға қатысуға мүмкіндік алады.

Әсел ОРАЗБАЕВА,

облыстық білім басқармасының баспасөз хатшысы.