Soltüstık Казахстан
Kyzylzhar_akparat@mail.ru
Қызылжар ауданындағы ауылдардың бірінде жаңадан дүкен ашылып, онда басқа тауарлармен қоса, алкогольдік өнімдер де сөрелерге қойылған. Мұны көрген учаскелік инспектор дүкен иесінен ішімдік саудасына рұқсат беретін лицензияны көрсетуді сұраған. Алайда дүкен иесінде тиісті рұқсат құжаттары болмай шықты. Полицейлер дүкен сөресінен 70 литр алкоголь өнімін тәркіледі. Әкімшілік құқық бұзушылық туралы кодекстің 463-бабы бойынша жиналған материал сотқа жіберілетін болады. Кәсіпкерге 25 айлық есептік көрсеткіш мөлшерінде айыппұл салынады. Бұған дейін лицензиясыз сауда жасаған басқа ауылдық дүкеннен 125 литр алкоголь өнімі тәркіленген болатын. Жыл басынан бері облыста 3 мың литрге жуық алкоголь заңсыз айналымнан алынды.
Әсет ҚАНАФИН.