«Soltüstık Qazaqstan»

PDF

ТАЛАПТАРЫ ТАУДАЙ

Soltüstık Казахстан

 Kyzylzhar_akparat@mail.ru

Оқушылар сарайында 5 жылдан бері жұмыс істеп келе жатқан “Тола­ғай” театрында бүгінде 100-ге жуық ұл-қыз тәлім алуда. Осы уақыт ара­лы­ғында талапты өрендеріміз кө­рер­менді жаңа туындыларымен қуан­тудан жалыққан емес. Әсіресе биыл Қызылжар жұртшылығына қай­та жол тартқан “Бір түп алма ағашы” қойылымына деген елдің ықыласы ерекше болды. Мұнда өрендеріміз тек драмалық шығармаларды сахна­лаумен ғана шектеліп қалмай, ақын-жазушылардың туындыларына те­рең бойлап, әдеби білімдерін жетіл­діреді. Мағжан ақынның жырларын жатқа оқитын жеткіншектеріміздің өнері сүйсінтуде. Олар “Мен жас­тар­ға сенемін” атты концертте жыр оқып, кө­рерменнің шөлін қандырды. Қойы­лымға қатысып, Алаш ардақ­тысының асқақ тұлғасын өзгелерге үлгі етті.

Ақынның шығармашылығына зер салсақ, ақиық тұлғаның бар туынды­сы ұл-қыздарымызға арналып жа­зыл­ғандай. Ақынның махаббатты, ту­ған жерін, ұлтын жырлауы жастар бо­йындағы азаматтық қасиеттерді арт­тырары сөзсіз. Ал біз өз кезегімізде ақынның жас жүрегінен шыққан сөзді бүгінгінің жас өрендерінің көңіліне қондыруға тырысамыз. Дарынды шә­кірттерімізден бөлек, шараға жергі­лікті өнерпаздар да қатысып ән ай­тып, домбыраның қоңыр даусын әуе­летті. Жас ақындар өз арнауларын оқыды.

Ақжол ТУСУПОВ,

“Толағай” балалар театрының жетекшісі.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp