Soltüstık Казахстан
Футболдан ел біріншілігінің 10-шы тур ойынын “Қызылжар” клубы сырт алаңда өткізді. Бұл жолы жерлестерімізге “Астана” командасы қарсылас атанды.
Ойын тізгінін астаналықтар алғанымен, жерлестеріміз қарсы шабуылдар ұйымдастырды. Бірінші болып есепті “Астана” аяқдопшылары ашты. Алғашқы голдың авторы – Вараздат Ароян. Кейін алаң иелері нәтижені еселеді. Бұл голды Абат Айымбетов соқты.
Ойынның екінші бөлігінде жерлестеріміз есеп айырмасын қысқартты. Қызылжарлықтар сапынан бразилиялық Пернамбуко көзге түсті. Солтүстікқазақстандықтар таразы басын теңестіруге тырысып, нәтижесінде “Астана” қақпасына он бір метрлік айып добы белгіленді. Нүктеге келген Иван Граф мүлт кетпеді. Дегенмен елордалықтар жеңісті жұлып әкетті, нақтырақ 97-ші минутта Эльхан Астанов есепті 3:2 қылды.
Саламат СЕРІКХАН,
М.Қозыбаев атындағы СҚУ-дың 3-курс студенті.