Soltüstık Казахстан
Балалардың әлеуметтік қызмет көрсету орталығында төрт кәмелетке толмаған сәбиі тәрбиеленіп жатқан әйел бірнеше жылдан бері олардың күнкөрісі үшін алимент төлемеген. Өңір полицейлері оның Ақмола облысындағы тұрғылықты жерін анықтады. Әйелдің айтуынша, ол алимент төлемегені үшін іздеуде екендігінен бейхабар болған. Енді қарызды мәжбүрлеп өндіріп алу үшін іс сотқа беріледі.
Бұл жұмыс борышкерлерді, алимент төлемейтіндерді және туыстық байланыстарын үзген адамдарды іздестіру акциясы аясында жүргізілді. Маусым айының соңғы күндері көші-қон қызметінің қызметкерлері барлық қолда бар есептер бойынша іздестірілгендерді күшейтілген режімде тексерді. Акцияның басында барлығы 66 іздестіру істі болды, оның 59-ы мемлекетаралық іздестіруге жатады. Екі күн ішінде 15 адам, оның ішінде айыппұл төлемеген немесе сот шешімін орындамаған 12 борышкер, алимент төлемейтін 2 адам, туыстық байланысын жоғалтқан 1 адам анықталды.
Талғат ӘБІЛОВ,
көші-қон қызметі басқармасының бастығы, полиция полковнигі.