Soltüstık Казахстан
Өңірде алаяқтықтың ең көп таралған түрі – “банктен қоңырау шалу”. Жарты жылда анықталған 342 алаяқтықтың 109-ы осы схема бойынша жасалып отыр.
Полиция департаменті баспасөз қызметінің мәліметінше, алаяқтар өздерін банк қызметкері ретінде таныстырып, шоттарына біреулер шабуыл жасап жатқанын айтады. Сонымен қатар алаяқтықтан қорғану үшін ірі көлемде несие алып, белгілі бір “қауіпсіз шотқа” ақша аудару қажет деп түсіндіреді. Осылайша олар банк шотынан ақшаны заңсыз алуға қажетті құпия мәліметтерді біліп алады.
– Осындай бір жағдайда келтірілген залал 16 миллион теңгеден асты. Халықты алаяқтардан қорғау үшін алдын алу жұмыстары жүргізіліп жатыр, – деді криминалдық полиция басқармасы бастығының міндетін атқарушы Мадияр Харипов.
Эльмира ОРАЛБАЕВА.