Soltüstık Казахстан
Солтүстік Қазақстан облысында жыл басынан бері 500 мас жүргізуші ұсталды. Солардың кесірінен 11 жол апаты орын алып, 4 адам қаза тапты, 15-і жарақат алды.
Облыстық полиция департаменті баспасөз қызметінің мәліметінше, өңірде төрт күн бойы “Мас жүргізуші” жедел-алдын алу шарасы жүріп жатыр. Осы уақыт ішінде көлікті мас күйінде басқарған 25 солтүстікқазақстандық анықталған.
– Облыс жолдарында барлығы 1502 жол ережесін бұзу дерегі анықталды. Оның ішінде 200 факті қауіпсіздік белбеуін пайдаланбау, 194-і жылдамдықты асыру және 119-ы рөлде телефон қолдануға қатысты жайттар. Бұған дейін жүргізуші куәлігінен айырылған бес адам көлік жүргізген, – деді жергілікті полиция басқармасы бастығының орынбасары Григорий Тыш.
Жалпы жыл басынан бері облыста 127 жол-көлік оқиғасы тіркеліп, 17 адам мерт болды, 179 азамат жарақаттанды.
Ақбөпе ӘБРАСУЛ.