Soltüstık Казахстан
Петропавлда спорттық бал биі мен брейкингтен халықаралық фестиваль өтті. Дәстүрлі шарада Еуразия кубогы, ел біріншілігінің жүлделері мен облыс кубогы сарапқа салынды.
Халықаралық фестиваль облыста осымен 20-шы рет ұйымдастырылды. Биылғы жарысқа Қазақстаннан бөлек, Қырғызстан, Армения, Грекия мен Ресей елдерінен келген 600-ге жуық биші қатысты.
Фестивальда балалар, жасөспірімдер, жастар және ересек спортшылар өз араларында мықтыны анықтады. Би жұптары латынамерикалық, еуропалық бағдарламалар бойынша сынға түсті.
Жарыс қорытындысы бойынша жүлдегерлер 4 түрлі бағдарлама бойынша анықталды. Балалар, жасөспірімдер, жастар санатында өнер көрсеткендерге дипломдар, кубоктар мен естелік сыйлықтар табысталды. Ал ересектер арасында топ жарғандар ақшалай сыйақыларға ие болды.
Аманжол НҰРТАЗИН,
“Soltüstık Qazaqstan”.