Зайырлы елде адам құқығы маңызды

Мемлекет басшысының баста­масымен Республика күнін қайта­дан тойлау – бұл біздің ата-баба­ларымыздың жанқиярлық батыр­лығын және ұрпақтар сабақтасты­ғына тағзым ету белгісі. Тәуелсіздік – мемлекетіміздің баға жетпес игі­лігі мен іргелі тірегі. Елдің тәуел­сіздігі мен әлеуметтік тұрақтылы­ғының ны­ғаюының, халықтың әл-ауқатының одан әрі өсуінің негізгі кепілі – заң­дылықтың сақталуы. Ол үшін про­куратура органдары азаматтардың конституциялық құқық­та­рының, қоғам мен мемлекет мүд­делерінің сақ­талуына қатаң қада­ғалауды қам­тамасыз етеді.

Осы кезеңде өңірде әлеуметтік-экономикалық салада 1 мыңға жуық заң бұзушылық жойылды, мем­лекет пайдасына 1,6 млрд. теңге өндірілді, 45 млн. теңгеден ас­там сомаға 258 қызметкер алдындағы еңбекақы бойынша берешек өтелді.

Адал бизнесті қорғау – прокура­тура жұмысының басым бағытта­рының бірі болып табылады. Осы мақсатта бизнестегі жүйелік проб­ле­малар мен әкімшілік кедергілерді анықтау үшін кәсіпкерлермен үнемі кездесулер өткізіліп тұрады. Проку­ратурада кәсіпкерлерді жедел қолдау шараларын іске асыру үшін тәу­лік бойы жұмыс істейтін мобильді топтың жұмысы ұйымдастырылды.

Үстіміздегі жылы 75 сигнал қа­ралды, 30 кәсіпкерге заң талаптары түсіндірілді, 200-ге жуық қадағалау актісі енгізілді, 787 заңсыз құқықтық актілер жойылды және соның сал­дарынан 162 әкімшілік құқық бұзу­шылық туралы іс жойылды, 1.2 млрд. теңгеден астам шығын өтел­ді, 2214 кәсіпкердің құқықтары қор­ғалды.

Өңірдегі инвестициялық жоба­ларды сүйемелдеу сұрақтарына ерекше назар аударылуда. Осыған байланысты облыс прокуратурасы мүдделі органдармен бірлесе оты­ра фронт-офис құрды, олар инвес­тор­лардың проблемаларын жедел шешеді. Бүгінгі күні прокурорлар 50 инвестициялық жобаны зерде­леу­де, 2 инвестордың проблема­лық сұ­рақ­тары шешілді.

Қылмыстық процесте адал кә­сіпкерлерді қылмыстық орбитаға тарту фактілерін азайтуға бағыт­тал­ған шаралар қабылдануда. Мы­са­лы 2023 жылғы 5 тамызда мо­бильдік топқа серіктестік полиция орган­да­рының мүлікті заңсыз ұстау фак­тісі бойынша Қылмыстық ко­декстің 389-бабы бойынша қыл­мыс­тық іс қозғау бойынша әрекет­терімен келіспеу­шілік туралы өті­ніш берген. Оған дейін азаматтық сот өндірісі шең­берінде сот талқы­сы бол­ған. Прокурорлардың зерде­леу қо­рытындылары бойынша қылмыстық құқық бұзушылық құра­мының жоқ­тығына байланысты қылмыстық істі қысқарту бойынша жылдам шаралар қабылданды, бизнес субъек­тісінің құқығы қалпына келтірілді.

Сонымен бірге инвестициялық климатты жақсарту мақсатында ин­весторлармен және бизнес-қоғамдастығымен кездесулер өткізіледі. Оның негізгі мақсаты – инвесторлар үшін қолайлы ортаны қамтамасыз ету және бизнес қауіпсіздігінің кепі­лін арттыру.

Қылмыстық процестің сотқа дейінгі сатысында прокурорлар тер­геу органдарының 7 мыңнан астам шешімін тексерді. 2022 жылдан бастап аса ауыр және сыбайлас жемқорлық қылмыстарға байла­нысты істер бойынша 107 айыптау актісі жасалды. Азаптау туралы 3 іс бойынша тергеу жүргізілуде.

Өткен жылдан бастап елден заң­сыз шығарылған активтерді із­деу және қайтару бойынша про­курор­лық қызметтің жаңа бағыты қалыптасты. Үстіміздегі жылы про­курор­лар олигополия субъектілері заңсыз алған 113 млн.теңгенің мүл­кін мемле­кетке қайтарды.

Республика күні – халықтың рухын көтеруге, бірлігіміз бен ынты­мақтастығымызды нығайтуға арналған жарқын мереке.

Бұл жоғары мақсатқа барлық қазақстандықтардың белсенді қа­тысуымен ғана қол жеткізуге бо­лады, өйткені мемлекеттің басты тірегі және ең үлкен байлығы – азамат­тары. Осы ретте Солтүстік Қазақ­стан облысы прокуратура ор­ган­да­рының қызметкерлері проку­ратура органдарының құқық қорғау функциясын іске асыру үшін бар күш-жігерін салуда.

Қайрат ӘБДІХАНОВ,

Солтүстік Қазақстан облысының прокуроры 3-сыныпты мемлекеттік әділет кеңесшісі.