МЕКТЕП ЖАНАШЫРЫ

Soltüstık Казахстан

 Kyzylzhar_akparat@mail.ru

Ауыл – қазақтың алтын кіндігі. Барлық салт-дәстүр, ұлттық құндылық, тәлім-тәрбие – бәрі ауылда. Ал ауыл мектебі – тек білім ордасы ғана емес, үлкен мәдениет орны, рухани орталығы, ел бірлігінің алтын қазығы.

Қай қоғамда да халық қамын өз мүддесінен жоғары қойып, бақай есеппен емес, жанашыр­лықпен еңбек етіп, мек­тепке қамқорлық танытқан жандар аз болған жоқ. Осындай жандар­дың бірі – ұзақ жылғы ұстаздық еңбек жолын абырой­мен атқара жүріп, Жамбыл (Мырзағұл) ауы­л­ындағы қоғамдық жұмыстар­дың ұйыт­қысы, талапшыл ұс­таз, білікті басшы бола білген Қайролла Адыкенов.

Сонау тоқырау кезінде ең бірінші болып ауылдар зар­дап шекті. Әсіресе мектептерге оңай тиген жоқ. Осы қиын-қыстау кезеңде қарашаңырақты аман алып қалу үшін бар күш-жігерін, қаржысын аямаған Қай­ролла Адыкеновке ауылдағы ағайынның алғысы шексіз. Бү­гінде Жамбыл орта мектебінің директоры қызметін атқарып отырған жанашыр азамат осы білім ордасында еңбек жолын бастаған. Алдымен дене тәр­бие­сі пәнінің мұғалімі, әскери да­йындық жетекшісі, оқу ісі бойынша меңгеруші қызметін атқарып, 1998 жылы мектеп директоры қызметіне тағайын­далды. Сол жылдардан бастап қазіргі уақыт аралығында Жам­был орта мектебін басқарып келеді.

Тоқырау заманында жарығы да, жылуы да жоқ мектепке ауылдың тұрғындарын жинап, жөндеу жұмыстарын жасатты. Өскелең ұрпақ оқысын, сапалы білім алсын деген ниетінен бір айнымаған жанның ауылдың тыныс-тіршілігі үшін ат­қарған істері де жетерлік.

Осы уақыт ішінде жас ұрпақ­ты оқыту мен тәрбиелеу жо­лында көптеген қиындықтар кездесті. Қайролла Мешелұлы өзінің кәсіби ше­берлігінің арқа­сында ұжымның, ауылдастары­ның және оқушы­лар­дың құрме­тіне бөленіп жүр. Ол шәкіртте­рін білім нәрімен су­сындатып, тәлім-тәрбие, адам­гершілік, адалдық тәрізді ізгі қасиеттерді бойларына дарытып, дұрыс бағыт-бағдар бере білді. Білім саласында ұзақ жыл қыз­мет еткен үлкен жүректі аб­зал жан облыстың қоғамдық өміріне бел­сенді қатысқаны үшін бірнеше мәрте Құрмет грамоталары, дипломдармен және “Қазақстан Республи­ка­сының Тәуел­сізді­гіне – 20 жыл” мерекелік ме­далімен марапат­талды.

Қайролла Мешел­ұлы – Уә­лиханов ауданындағы тәжіри­белі мектеп дирек­торларының бірі. Қажыр­лы еңбегінің арқа­сында елге сыйлы, ұжымға қа­дірлі. Көпте­ген шәкірттерді оқы­тып, жас ма­мандарға көшбас­шы бола біл­ген ардақты азамат қоғамдық жұмыстың да бел ортасында жүреді. Осы жан­ашыр­лығының арқасында ын­ты­мағы мен бірлі­гі жарасқан Жамбыл (Мырзағұл) ауылы­ның бетке ұс­тар азаматы, ел аға­сы атанды. Елін, жерін, ұрпағы­ның бола­шағын ойлайтын на­ғыз қазақ­тың азаматтары осын­дай болуы керек қой деп ой­лаймын.

Райгүл РАХАТҚЫЗЫ,

Жамбыл орта мектебі директорының орынбасары.

Уәлиханов ауданы.