Soltüstık Казахстан

 Kyzylzhar_akparat@mail.ru

Достық үйінде Халықара­лық әйелдер күніне орай Ас­сам­блея жанынан құрылған ана­­лар кеңесінің аудандық фи­лиал­дары арасында сайыс өт­ті. Облыстық байқауға Аққа­йың, Шал ақын, Тимирязев, Ақ­жар, Жамбыл, Айыртау, Ғабит Мүсірепов атындағы аудан­дар­­дағы аналар кеңестерінің мү­шелері қатысты. Екі кезең­нен тұратын жарыстың ал­ғаш­қы сатысында қатысушылар әр аудандағы аналар кеңесте­рі­нің жұмысымен таныстырып, жү­зе­ге асырылып жатқан жо­ба­ла­ры туралы баяндады. Екін­ші ке­зеңде қазақтың салт-дәс­түрлері көрсетілді. Онда “Енші беру”, “Бесікке салу”, “Абы­сын асы”, “Тұсау кесу” сын­ды кө­ріністер қойылды. Бел­сен­ді ана­лар әсем әннен шашу ша­­шып, өнерлерін ортаға салды.

– Біз байқауда аналар кеңе­сінің өткен жылғы жұмысын та­ныстырдық. Одан кейін құйрық-бауыр асату дәстүрін сахнала­дық. Бұл дәстүрдің мағынасы – ел арасын жақындастырып, құ­да болған екі жақтың сыйлас­ты­ғына жол ашу. Мұндай бай­қау ал­ғаш рет ұйымдастырылып отыр­ғанымен, ұлттық құнды­лықта­рымызды дәріптеуде, ана­лар кеңесінің жұмысын та­ныту­да берері мол, – дейді шал­ақындық Жанна Сәрсекеева.

Сайыс қорытындысы бо­йын­ша Жамбыл ауданының ко­мандасы үшінші орынды, Шал ақын ауданы екінші орынды еншіледі. Айыртау ауданынан келген аналар кеңесінің өкіл­деріне бірінші орынның жүл­десі табысталды.

“Qyzyljarnews.kz”.