Тарифтер өзгермейді

Soltüstık Казахстан

 Kyzylzhar_akparat@mail.ru

Биыл Табиғи монополия­лар­ды реттеу комитетінің об­лыстық департаментіне та­риф­тер мен тарифтік смета­ларды бекіту туралы 43 өтінім келіп түсті. Сонымен қатар ашық­­тық­ты қамтамасыз ету мақса­тында 18 қоғамдық тың­дау өт­кізілді. Облыстық қоғам­дық ке­ңестің кезекті отырысын­да та­биғи монополиялар субъекті­лерінің тарифтерін рет­теу мә­селелері талқыланды.

Табиғи монополияларды реттеу комитетінің облыстық департаменті 72 қызмет бо­йынша 57 табиғи монополия субъек­тісінің жұмысын бақы­лайды. Сондай-ақ қоғамдық маңызы бар нарықтың үш субъектісі бойынша бағаларды реттейді.

“Облыс бойынша тұрғын үй-коммуналдық шаруашы­лы­ғы инфрақұрылымының қазіргі жай-күйі тұтынушыларды жы­лу­мен, электр энергиясы­мен, сумен және басқа да комму­нал­дық қызметтермен үздіксіз қам­тамасыз ету үшін жаңар­туды талап етеді. Сонымен қа­тар бұл салада білікті маман­дардың жетіспеушілігі бар. Осы проблемаларды шешу үшін тұрғын үй-коммуналдық ша­руа­шылығы саласына жаңа инвестициялар тарту, табиғи монополиялар субъектілерінің желілері мен жабдықтарының тозуын азайту және реттеліп көрсетілетін қызметтердің са­пасын жақсарту үшін елде “Ин­вестициялар орнына – тариф” бағдарламасы қолданылады”, – деді департамент басшысы Дамир Тоқтамысов.

Оның айтуынша, өңір­дегі табиғи монополиялардың жеті субъектісі бес жылдық ке­зеңге арналған ұзақ мерзімді та­рифтер бойынша жұмыс істей­ді. Олардың жалпы сомасы 30 млрд. теңгеден асатын, жаң­ғыр­туға және қайта жаңартуға бағытталған инвестициялық бағдарламалар бар. Өңірде­гі су тасқыны жағдайына бай­ланысты әзірге тарифтер өзге­ріссіз қалмақ.

Ақерке ДӘУРЕНБЕКҚЫЗЫ,

“Soltüstık Qazaqstan”.