Интеллектуалдық ойын

Soltüstık Казахстан

 Kyzylzhar_akparat@mail.ru

Мемлекеттік рәміздер күні қарсаңында облыстық полиция департаменті ап­паратының және Петропавл қалалық полиция басқармасының қызметкерлері “Рәміздер – рухымыз” тақырыбында өткен интеллектуалдық-саяси панорамаға қатысты.

Іс-шараны облыстық поли­ция департаментінің ақпараттық саясат бөлімі И.Шухов атындағы орталық қалалық кітапхана қызметкерлерімен бірлесе ұйымдастырды.

Жиналғандарға тәуелсіз Қазақстанның Туы, Елтаң­басы мен Әнұранының тарихы туралы мәлімет айтылды. Со­дан кейін шара интеллектуалдық ойынға ұласты. Үш коман­­даға бөлінген тәртіп сақ­шы­лары Конституция, ел та­рихы, Отанымыздың адал перзент­те­рінің өмірі жайлы қойылған сұрақтарға жауап беріп, білім­дерін ортаға сал­ды.

Қатысушылардың бәрі ел тарихын жетік білетіндігін, зе­ректігін көрсетті. Нәтиже­сін­де Петропавл қалалық по­лиция басқармасының қызметкер­ле­рі топ жарып, жеңімпаз атанды.

Игорь МЕРЦАЛОВ,

облыстық полиция департаменті ішкі және сыртқы коммуникациялар бөлімінің жетекші маманы.