Soltüstık Казахстан
Облыстық мәслихаттың кезекті 15 сессиясында 2023 жылға арналған облыстық бюджеттің атқарылуы туралы мәселе қаралып, облыс әкімінің орынбасары Қанат Дүзелбаевтың баяндамасы тыңдалды.
Баяндамашы әлеуметтік бағдарланған бюджет қаражатының бірінші кезекте өңір тұрғындарының әл-ауқатын жақсартуға, атап айтқанда, әлеуметтік қолдауға, денсаулық пен білімге бағытталғанын атап өтті.
Облыстық бюджеттің атқарылу қорытындысы тақырыбында тексеру комиссиясының төрағасы Қайрат Сейітқожаев сөз сөйледі.
Облыстық мәслихаттың тұрақты комиссиясының төрайымы Сәуле Сұрағанова мен депутат Мақсат Құдратуллаев өткен жылғы бюджеттің атқарылуы туралы есепті бекітуді ұсынды.
2021-2025 жылдарға арналған облыстың даму жоспарын іске асыру туралы экономика басқармасының басшысы Қуанышбек Қалижанов есеп берді.
Облыстық мәслихаттың депутаты Бейбіт Сыздықов өңірді дамыту жоспарының орындалуы жөнінде айтып берді.
Энергетика және тұрғын үй-коммуналдық шаруашылығы басқармасының басшысы Данияр Қуанышбаев облыстың қалалары мен елді мекендерінің аумақтарын абаттандыру қағидаларын бекіту туралы шешімге өзгеріс енгізу туралы ұсыныс білдірді.
Сессияда облыстық жер комиссиясының жаңа құрамы қалыптастырылды.
Халық қалаулылары күн тәртібінде талқыланған мәселелерге қатысты тиісті шешімдер қабылдады.
Қайрат САДЫҚОВ,
облыстық мәслихаттың баспасөз хатшысы.