Үй жануарларына қамқорлық

Soltüstık Казахстан

 Kyzylzhar_akparat@mail.ru

“KAZ Minerals” мыс компаниясы Петропавлда су тасқынынан зардап шеккен тұрғындардың үй жануарларын өз қамқорлығына алды. Мысықтар мен иттерді қауіпсіз жерге көшіруді “Мейірімді планета” жеке қайырымдылық қоры ұйымдастырған.

Аталған қайырымдылық қор­дың жетекшісі Татьяна Муха­медзяно­ваның айтуынша, 150 ит пен 50 мысық тілсіз жаудан құтқарылған. Үй жануарлары­ның көп бөлігі бос ғимараттарға орналастырылып, оларды ерік­ті­лер мен қайырымды қала тұр­ғындары тамақтандырып кел­ген.

Дегенмен үй жануарларына арналған азық-түлікке күніне 20 мың теңгеден астам қаражат жұм­салыпты. Еріктілер кейбір иттердің ботқасына ет қосып қай­натса, ал денсаулығында кінә­ра­ты барларға диеталық тамақ дайындаған. Олар тіпті арнайы тағамдар да сатып алып отырған. Ал мысықтар уақытша қайы­рымды жандардың қамқор­лы­ғына берілген.

– “KAZ Minerals” компания­сы­на уақытылы және қажетті кө­мек­ көрсеткені үшін алғыс айтамыз. Бізге аударылған қа­ра­жат үй жануарларына бес ай­ға та­мақ сатып алуға жетті. Үй жан­уар­ларын ұзақ уақыт ұс­тау­ға мүм­кіндігіміз болмағандық­тан, әр­қай­сысына тез арада бас­пана та­уып беруді мақсат етіп отыр­мыз, – деді Татьяна Мұха­медзянова.

“KAZ Minerals” тобының кор­по­ра­тивтік байланыс департа­мен­­­тінің басшысы Мақсұт Жапабаев­­тың сөзінше, мамыр айы­ның соңында зардап шеккен ау­дан­дарға барғанда эвакуация­лан­ған жануарларға арналған пункт жайлы естіп, қор директо­ры­мен кездескен екен. Компа­ния басшылығы да қорға көмек­тесу туралы ұсыныстарын қол­дапты.

Қазір эвакуациялық пункт­терде алғашқы күнге қарағанда үй жануарлары азайған. Қал­ғандарын “KAZ Minerals” және ин­весторлардың қолдауымен құ­рылысы жүріп жатқан пәтерлер мен жаңа үйлерге ие болған жан­дар алады.

Гүлфайруз ТӨРЕМҰРАТОВА,

“Soltüstık Qazaqstan”.