Үш адамның ажалы

Soltüstık Казахстан

 Kyzylzhar_akparat@mail.ru

Жексенбі күні Қызылжар ауда­нының орталығы Бескөл ауы­лы­нан үш шақырым жерде жол-көлік оқиға­сы орын алды. Облыстық поли­ция департаменті бас­пасөз қыз­ме­тінің мәліметінше, “Астана – Петропавл” автожо­лында “Infiniti FX45” автокөлігінің жүргізушісі бір бағытта кетіп бара жатқан “Бе­ларус” тракторының тір­кемесіне соғылған.

Жол-көлік оқиғасының салда­ры­нан жеңіл көліктің 20 жастағы жүргізушісі мен оның 37 және 27 жастағы екі жолаушысы оқиға ор­нында көз жұмған. Жеңіл көліктегі тағы бір 1996 жылғы жолаушы қыз Қызылжар аудандық орталық ауруханасына жеткізілген. Трак­тордың 35 жастағы жүргізушісі зардап шеккен жоқ. Қазіргі уақыт­та полиция қызметкерлері үш адамның қазасына алып келген жол-көлік оқиғасы бойын­ша қажетті сараптамалар мен сот­қа дейінгі іс жүргізу бойынша мате­риал­дар жинап жатыр.

Әсет ҚАНАФИН.