Алауыздықты қоздырған әйел

Soltüstık Казахстан

 Kyzylzhar_akparat@mail.ru

Мамлют ауданының тұрғы­ны, 4 баласы бар Л. есімді әйел әлеуметтік желіде сепаратистік көзқарасын білдіріп, елдің тұтастығына қауіп төндіргені және ұлтара­лық алауыздықты қоздырғаны үшін сотталды.

Облыстық соттың мәліметінше, Мамлют аудандық соты Қыл­мыстық кодекстің 180-бабы 2-бөлігі “Телекоммуникация же­лі­лерін пайдалана отырып, Қа­зақстанның біртұтастығын, оның аумағына қол сұғылмауын және бөлінбеуін бұзуды наси­хаттау” бойынша қылмыстық істі қарады.

Сотталушы биыл наурыз айының ба­сында “Tik-Tok” әлеуметтік же­лісіне ұялы телефон арқылы кі­ріп, белгісіз ер адаммен тікелей байланысқа шыққан. Диалог ба­рысында ол Солтүстік Қазақ­станның Ресейге қосылуы және Қазақстанның жекелеген бөліктерінің Ресей аумағына тарихи қатыстылығы туралы ойын айтып, Солтүстік Қазақстанның, соның ішінде Пет­ропавлдың та­рихи түрде Ресейдің әкімшілік-аумақтық бөл­шегі екендігін ашық айтқан. Сон­дай-ақ Ресей әскерлерінің Қазақ­­стан аумағына басып кі­руін қолдайтындығын жеткізген. Про­курор оны 6 жылға бас бостан­дығынан айыруды сұрады. Айып­талушы кінәсін мойын­дады.

Нәтижесінде аудандық сот әйелдің шын жүректен өкінуін және төрт жас баласының бо­луын, күйеуінің мүгедектігі ба­рын ескерді. Мұны оның жаза­сын жеңілдететін жағдай ретін­де қарап, осы бап бойынша ең төмен жаза – 3 жылға бас бостан­дығынан айырды. Үкім заңды күшіне енген жоқ.

Ақерке ДӘУРЕНБЕКҚЫЗЫ,

“Soltüstık Qazaqstan”.