ОТАНДЫ ҚОРҒАУ – МІНДЕТІҢ

Soltüstık Казахстан

 Kyzylzhar_akparat@mail.ru

Әр елдің мақтан тұтар ба­тырлары бар. Себебі қорғаушы­сыз мемлекет жоқ. Батылдық, отансүйгіштік, достық – нағыз жігітке тән қасиеттер. Адам батыр болып дүниеге келмейді, қалып­та­сады. Балалық шақтан отаншылдыққа, елді, жерді құрметтеуге баулу керек. Яғни ата-аналар атамекенді қор­ғайтын нағыз ер-азаматты тәр­бие­леуі тиіс. Дана халқымыздың “Ер жігіт ел үшін туады, ел үшін өле­ді”, “Ер барда – ел қор болмас” де­ген нақыл сөздері осының айға­ғы. Менің ойымша, батырдың бойында болуы тиіс ең басты қа­сиет – бұл отаншылдық. Туған жер­ге, өз халқына, ұлтқа деген сүйіспеншілігі бар адам үшеуінің біріне де қиянат жасамайды.

Елімізде осындай батыр бо­луға лайықты сарбаздарды даяр­лайтын оқу орындары бар. Қазақстан Республикасының әс­ке­ри құрылымы әскери басқару органдарын, Қарулы Күштердiң түрлерiн, арнайы әскерлердi, тыл, әскери оқу орындары мен ғы­лыми мекемелердi қамтиды. Со­ғыс уақытында құрамына қор­ғаныс министрлігіне қарайтын әс­кер түрлерiнен басқа Ішкi iстер ми­нистрлігінiң iшкi әскерлерi, Ұлт­тық қауiпсiздiк комитетiнiң ше­кара қызметi және басқа да әс­керлерi, Қазақстан Республика­сы Ұлттық ұлан академиясы, аза­маттық және аумақтық қорғанысты басқару мен құру органдары кiредi.

Әскери-патриоттық тәрбие – мем­лекеттік органдардың, қо­ғам­дық бірлестіктердің және ұйым­дардың жастардың бойында жо­ға­ры пат­риоттық түйсікті – Отанына шын берілу, өзінің азамат­тық па­рызын орындауға дайын бо­луға бағыт­талған көп жос­пар­лы, жүйе­лі, мақ­сатты іс-әрекет­. Әс­кери-патриот­тық тәрбие­нің мақ­­­­саты – жастар­дың бойында азамат­тық патриот­тылықты да­мы­ту. Олар­дың сана-сезімінде пат­риоттық құндылық­тарды, көз-қа­­рас­­ты не­гізге ала оты­рып, Қа­зақстанның мә­дениеті және та­рихына кез келген жағ­дай­да құр­метпен қа­рау түсінігін қа­лыпта­стыру маңызды.

Петропавл қаласында орна­ласқан Қазақстан Республикасы Ұлттық ұланының академиясы жас курсанттарды тәрбиелеуде түрлі бағытта жұмыс істейді. Отан туралы білімін тереңдетіп, қоғамдық-саяси көзқарасын ке­ңейтуге атсалысады. Жігерлі бо­луға, жауынгерге қажет тәртіптің маңыздылығын түсінуге, батыл шешім қабылдай білуге, ауырт­па­лықты жеңіп шығуға талапта­нуға, психологиялық және дене даярлығын шыңдауға, керек­ті істі орындауға даярлыққа ба­сымдық берілген. Әскери-патриоттық шараларды ұйымдас­тыруда ұжым алдында жауап­кер­шілікті сезінуге, өзіне және жолдастарына талап қоя алуға, бір-біріне көмек жасаудың ма­ңы­зын, тапсырылған істі аяқтауға тәрбиелеу де маңызды ба­ғыттардың бірі. Отансүйгіштік се­зім жасөспірімдерде ерлікке ұм­ты­лыс, жеңуге құмарлық, өз-өзіне талап қойғыштық, қатарласта­ры арасында ұжымда өз орнын табу, олардың сеніміне ие болу, өзіне жоғары талап қойып, ұжым­ның талабына бағыну зор әлеуметтік белсенділік қалып­тастырып, дамытады. Академия білім берудің жаңа стандартына көшті. Оқу-тәрбие үрдісі мемле­кет­тік жалпыға міндетті стан­дарт­тар талаптарына сәй­кес ұйымдастырылған және ма­мандықтардың, курсанттардың жеке оқу жоспарлары негізінде жүзеге асырылады. Оқыту үрді­сінің бір бөлігі курсанттарды тәрбиелеу болып табылады. Тәр­бие және әлеуметтік-құқықтық жұ­мыс жеке құрамды Қазақстан Республикасының заңдарын және Ата Заңын құрметтеуге, әскери тәртіпті ұстануға, әскери ұжымда бірлікте болуға, қойыл­ған міндеттерді моральдік және психологиялық дайындықта орын­дай білуге, оқу-тәрбиелік үдерісті жетілдіруге бағыттал­ған. Академия курсанттарын тәрбиелеу оқытудың барлық ке­зеңінде тәрбиелеудің кешенді жоспарының негізінде оқу үрдісімен тығыз байланыста жүзеге асырылады. Қазақстандық пат­рио­тизмге тәрбиелеу, ұлттық идеяны ұстану, мемлекетті, қо­ғам мен жеке тұлғаларды қыл­мыс және басқа да құқық бұзу­шылық әрекеттерден сақтап, қауіп­сіздігін қамтамасыз ету бойынша міндеттерді орындауға дайын болуы негіз болып табы­лады. Негізгі күш бірнеше мін­деттерді шешуге бағытталған. Мәселен, біліктілік талаптарына сай, жоғары адамгершілік және әскери-кәсіби қасиеттерге ие офицерлерді даярлау; білім беру заңнамасына оқу-тәрбие үр­дісін ұйымдастыратын норма­тивті және құқықтық актілерді тарту; ғылыми және ғылыми-педагогикалық кадрларды даярлау, Беларусь, Ресей, Қазақстан­ның (келісімшарт негізінде) жо­ғары әскери оқу орындарында бас­қару және профессорлық-оқытушылар құрамының білікті­лігін арттыру және қайта даярлау (келісімшарт негізінде). Соны­мен қатар институттың білім беру қызметі мен Ұлттық ұлан мүд­­десінде ғылыми зерттеулер жүргізу, қазақстандық патрио­тизмге тәрбиелеу, әскери тәр­тіпті нығайту, әскери қызмет қауіп­сіздігін қамтамасыз ету, ма­териалдық-техникалық база ны­сан­дарын жабдық­тау және салу көзделген.

Ұлттық ұланға қажетті жоға­ры адамгершілік, отансүйгіштік қасиеттерге ие, қызметтік-жауынгерлік міндеттерді орын­дауға даяр, жоғары білікті, бәсе­кеге қабілетті офицерлерді даяр­лауда Қазақстан Республикасы Ұлттық ұланының академиясы іс жүзінде еліміздің беделді әскери оқу орындарының бірі.

Жанбатыр Сартаев,

медицина ғылымдарының докторы, профессор, Қазақстан және Ресей Әскери ғылымдар академиясының академигі.