Soltüstık Казахстан
Петропавлда “Қызыл Жарты Ай” қоғамының семинары өтті. Іс-шараға қатысушылар су тасқыны кезінде атқарылған жұмыстарды қорытындылады. Сондай-ақ алдағы уақытқа жоспар құрып, ұйымның жұмысын тағы қалай жақсартуға болатыныны жайлы ақылдасты.
– Солтүстік Қазақстан облысында 2 мыңға жуық адамға көмек көрсеттік. 1700-ден астам тұрғын жәрдемақыға ие болды. Әр адамға 40 мың теңгеден берілді. Жалпы көмекпен көпбалалы отбасылар, жалғызбасты қариялар, мүмкіндігі шектеулі адамдар қамтылды, – деді жоба үйлестірушісі Елена Кистаубаева.
Қоғам мүшелері су тасқынынан зардап шеккен Ақмола, Батыс Қазақстан және Солтүстік Қазақстан облыстарының тұрғындарына көмек көрсетіп жатыр. Барлығы 5 мың адамға біржолғы жәрдемақы беру жоспарда бар. Қазіргі таңда мұндай көмекпен 4 жарым мың адам қамтылды.
Самрат ҚҰСКЕНОВ,
“Soltüstık Qazaqstan”.