Саңырауқұлақтан уланған

Soltüstık Казахстан

 Kyzylzhar_akparat@mail.ru

Петропавлда саңырауқұ­лақ­тан екі әйел қатты уланып, өлім аузынан қалды. Олардың біреуі әлі де жансақтау бөлімін­де жа­тыр. Солтүстік Қазақстан облыстық денсаулық сақтау бас­қармасы­ның мәліметінше, екі оқиға да бір күнде болған, бірақ бір-біріне қа­тысы жоқ.

Жексенбі күні қа­лалық көп­бейінді ауруханаға са­ңырауқұ­лақ жеп уланды деген диаг­ноз­бен 49 жастағы әйел түс­кен. Өте ауыр жағдайда түскен қала тұрғыны бірден жансақтау бөліміне жатқызылып, өкпені жа­­санды желдету аппаратына қо­сылды. Қазіргі кезде сырқат­тың беті бері қарады. Өздігінен де­малғанымен, жансақтау бө­лі­мі­­нен шығарылған жоқ. Екінші әйел сол күні кешқұрым түс­кен. Оның да жасы 49-да. Пет­ропавл тұр­ғы­ны терапия бөлі­мінде ем қабылдап жатыр. Жағ­дайы ауыр болға­ны­мен тұ­рақты.

Мамандар саңырауқұлақты асқа пайдаланғаннан кейін ула­ну белгілері пайда болған жағ­дайда бірден дәрігердің көме­гіне жүгі­нуге кеңес береді.

Ақерке ДӘУРЕНБЕКҚЫЗЫ,

“Soltüstık Qazaqstan”.