ОЛИМПИАДАҒА ҚАТЫСУДЫҢ ӨЗІ – ЖЕҢІС

Soltüstık Казахстан

 Kyzylzhar_akparat@mail.ru

Париж Олимпиадасының қа­тысушысы, солтүстікқазақ­стан­дық велошабандоз Алексей Лу­ценко туған жеріне оралып, жан­күйерлерімен қауышты. Кездесуді облыстық дене шынықтыру және спорт басқармасы Петро­павлдағы Спорт сарайында ұйым­дастырды.

Төрт жылда бір рет өтетін бай­рақты бәсекеде Алексей Лу­ценко командалық ве­лододада бақ сынады. Жер­лесіміз 272 шақырым жолды 52-ші болып аяқтады. Ол аталмыш қашық­тықты 6 сағат 26 минут ішінде жүріп өтті.

– Олимпиадада жүлдеден үмітті едім. Өкінішке қарай, елі­ме медаль сыйлай алмадым. Осыған дейін “Тур де Франс” жа­рысында жарақат алдым. Сол себепті мен бір жұма дайын­далған жоқпын. Бұл да әсерін тигізді деп ойлаймын. Десе де әлі алда жарыстар бар. Онда көк туымызды желбіре­темін, – дейді Алексей Луценко.

Кез­десуге Алексей Луценконың ал­ғашқы бапкері Виктор Потапов та қатысты. Оның сөзін­ше, шә­кірті әлі бабында, сон­дықтан ке­лесі Олимпиадалар­да жерлесімізді көріп қалуымыз мүмкін. Енді спортшы бір апта тынығып, кейін әлем чемпионатына дайынды­қты бастамақ.

Аманжол НҰРТАЗИН,

“Soltüstık Qazaqstan”.