Soltüstık Казахстан
Қазіргі уақытта мемлекеттік қызметтер қоғамда маңызды рөл атқарады. Олар халықтың қажеттіліктерін қанағаттандыруды және азаматтардың әл-ауқатын арттыру жөніндегі саясатты тиімді іске асыруды қамтамасыз ете отырып, мемлекет пен оның азаматтарының өзара іс-қимылының негізгі элементі болып табылады.
Мемлекеттік қызметтерді сапалы көрсетуді қамтамасыз ету үшін мемлекеттік органдар мен азаматтардың тұрақты және белсенді өзара іс-қимылы, қызмет көрсету кезінде бизнес-үдерістерді үздіксіз жетілдіру, мемлекеттік органдар қызметкерлерінің біліктілігін арттыру қажет. Бұл мемлекеттік жүйенің тиімді жұмыс істеуі, халыққа қызмет көрсету деңгейін жақсарту және мемлекеттік органдарға деген сенімді арттыру үшін жағдай жасауға мүмкіндік береді.
Мемлекеттік органдар тарапынан мемлекеттік қызметтер көрсету сапасын, сондай-ақ азаматтардың өз құқықтары туралы хабардар болу деңгейін үнемі арттыру қажеттілігі бірқатар факторларға байланысты.
Біріншіден, басқарудың заманауи технологиялары мен әдістері қызмет көрсету үдерістерін автоматтандыруға, азаматтардың тікелей өтінішін қажет етпей қызмет көрсетуге мүмкіндік береді.
Екіншіден, әлеуметтік-экономикалық дамудың қазіргі қарқынын сақтау және жақсарту азаматтар мен бизнестің мемлекеттік қызметтерді тез, тиімді және сапалы алу мүмкіндігімен тығыз байланысты.
Азаматтардың мемлекеттік қызмет көрсету үдерістеріне ықпал ету, мемлекеттік органдардың жұмысына өз қажеттіліктерін білдіру мүмкіндіктері бар. Мемлекеттік органдар өз кезегінде халықтың пікірі мен ұсыныстарын тыңдауға, жаңа қызметтерді әзірлеу және енгізу кезінде оларды ескеруге тиіс.
Мемлекеттік қызметтер көрсету сапасын үнемі арттыру және мемлекеттік органдар мен азаматтардың осы мәселеде белсенді өзара іс-қимылы халыққа қызмет көрсетудің ашық және қолжетімді жүйесін құру үшін негіз болады. Бұл азаматтардың өмір сүру сапасын жақсартуға, мемлекеттік органдардың тиімділігін арттыруға және билікке деген сенімді нығайтуға ықпал етеді.
Бүгінгі таңда Қазақстан Республикасы Президентінің 2024 жылғы 17 шілдедегі №602 Жарлығымен бекітілген “Қазақстан Республикасының мемлекеттік қызметін дамытудың 2024-2029 жылдарға арналған тұжырымдамасына” сәйкес мемлекеттік қызметтер көрсету жүйесін дамытудың негізгі трендтері сервистілік және клиентке бағдарлану қағидаттары болып табылады, ал мемлекеттік қызметтер тек жеке қызметтерді ғана емес, сондай-ақ бүкіл қоғамның мүддесі үшін мемлекет көрсететін қызметтерді де қамтитын болады.
Мемлекет пен оның азаматтары арасындағы тығыз ынтымақтастықта ғана мемлекеттік қызмет көрсету сапасының жоғары деңгейіне қол жеткізуге болады. Көрсетілетін қызмет берушілердің әрекеттеріне (әрекетсіздігіне) шағымдар болған жағдайда, департаментке жүгінуге болады.
Асқар БАЙМҰҚАНОВ,
Мемлекеттік қызмет істері агенттігі Солтүстік Қазақстан облысы бойынша департаменті басшысының орынбасары, Әдеп жөніндегі кеңес хатшылығының меңгерушісі.