Soltüstık Казахстан
“Қыстың қамын жаз ойла”, – демекші қазір ауыл тұрғындары қысқа әзірлік қамында. Тұрғындар ғана емес, шаруалар да қыр басында қызу еңбек етуде. Қысқа әзірлік барысында жемшөп саудасы да қыза түсетіні ақиқат. Бұл орайда Уәлиханов аудандық мәслихат депутаттары Ақтүйесай ауылдық округіндегі жұмыспен танысты.
Округ әкімі Мырзабек Нұрғазин және учаскелік полиция инспекторы Талғат Байменовпен бірге бірқатар шабындық алқаптарды аралап, аудан бойынша бағаны көтермеу жөнінде әңгіме жүргізді. Шөп шауып жатқан Ақтүйесай ауылының тұрғыны Ержан Сауытбековпен де сөйлесудің сәті түсті.
– Қазіргі уақытта өзіме және туыстарыма шөп шауып жатырмын. Содан кейін ғана шөпті сатуға дайындаймын, – деді ол.
Округ әкімі Ержан Сауытбеков өткен жылы шөп орамының орташа бағасы 15 мың теңгені құрағанын, ал Ақтүйесай ауылында 8 мыңнан аспағанын атап өтті. Біз ағайынды Тұрсынбек пен Бақытжан Алдабергеновтер, Ғалымжан Қожахметов, Аян Наукин, Владимир Косинов, “Ибрагимов” фермерлік қожалығының шабындық алқаптарында болдық. Аты аталған азаматтардың арасында кейбір отбасыларды шөппен тегін қамтамасыз ететіндер де бар екенін айтып өту қажет.
Ақтүйесай ауылында 14 шабындық бригада жұмыс істеуде. Тұрғындар ауа райының қолайлы сәтін тиімді пайдалануда. Күзексай ауылында да шөп шабу науқаны қызу жүруде. Қазір “Ташмаков”, “БАТШ”, “Төрт Түлік” шаруа қожалықтары шабындық басында еңбек етуде.
Бибінұр ТОПАНБАЕВА,
Уәлиханов аудандық мәслихатының депутаты.