Soltüstık Казахстан
Облыс прокурорлары мемлекеттік кірістер органдарының заңсыз салынған айыппұлын сот тәртібімен бұзды. Талдау барысында “Әкімшілік құқық бұзушылық туралы” Кодекстің талаптарын өрескел бұзу фактілері анықталды.
Мәселен, Уәлиханов ауданының кәсіпкерлік субъектісіне аудандық мемлекеттік кірістер басқармасының қаулысымен арнайы есепке қоймай айналымдарды жүзеге асырғаны үшін “Әкімшілік құқық бұзушылық туралы” Кодекстің 275-бабы 5-бөлігі бойынша 36,4 млн. теңге сомасына әкімшілік айыппұл салынған.
Қадағалау органы аталған қаулыға қатысты аудандық сотқа наразылық келтірді, өйткені басқарма қабылдаған шешім кодекс талаптарын елеулі бұза отырып шығарылған.
Уәлиханов аудандық сотының қаулысымен прокуратураның наразылығы қанағаттандырылды, әкімшілік құқық бұзушылық туралы іс жүргізуді тоқтата отырып, айыппұл салу туралы шешімнің күші жойылды.
Сот актісі заңды күшіне енді. Нәтижесінде қабылданған қадағалау шаралары нәтижесінде жергілікті кәсіпкердің құқығы қорғалды. Қадағалау органы бизнес субъектілеріне олардың құқықтары мен мүдделері бұзылған жағдайда облыс прокуратурасының қызметкерімен кәсіпкерлердің құқықтарын қорғау жөніндегі мобильді топ арқылы тікелей байланыса алатынын еске салады.
Әсет ҚАНАФИН.