Soltüstık Казахстан
Kyzylzhar_akparat@mail.ru
Петропавлда қуатталып тұрған телефон өрттің шығуына себеп болды. Салдарынан 56 жастағы ер адам ауруханаға түсті.
Облыстық төтенше жағдайлар департаменті баспасөз қызметінің мәліметінше, Петропавлдағы үш қабатты тұрғын үйдің бірінші қабатындағы пәтерлердің бірінде өрт шыққан.
“Өрт 5 шаршы метр аумақта болып, жиһаз жанды. Өртсөндірушілер оны 8 минут ішінде толық сөндірді. Пәтерде болған 1968 жылғы ер адамға иіс тиген. Емдеу мекемесіне жеткізілді”, – делінген ведомствоның хабарламасында.
Облыстық денсаулық сақтау басқармасы баспасөз қызметінің мәліметінше, “Жедел жәрдем” көлігімен жеткізілген қала тұрғынының жағдайы өте ауыр. Қазіргі уақытта ер адамның беті бері қарап, жалпы палатаға көшірілді.
Әсет ҚАНАФИН.