Өңірімізде жер-су, елді мекен атауларының тарихи қалыптасуы, заманына қарай әртүрлі күй кешуі, ой тереңіне салып сараптасақ, қилы-қилы жолдармен, саяси-әкімшілік, үстем таптық тегеурінмен алыса отырып осы күнге жеткенін көреміз. Өзінің түпкілікті атауынан ауытқып, саяси соқпақтың салдарынан сан өзгерген атаулардың сансыз тізбегі терең ойға қалдырады. “Неге?” деген сұрақ толғандырып, өзіміздің салғырт мінезіміздің өз тарихына пана болмағандығы ашындырады, …
Облыс орталығының іргесінде тұрған Бескөл ауылына бағыт алдық. Жүйткіген көлік әп-сәтте-ақ діттеген жерімізге жеткізді. Біз тоқтаған үй – қос ғасырдың куәсі тұрып жатқан берекелі қарашаңырақ. Мейірімді жүзін әжім торлаған Қадиша әжейді көргенде көңіл жайланып сала берді. Ақын Қадыр Мырзалиевтің: “Асыл әжем, ғасыр әжем аңсаған, Сағынышым – сары ормандай самсаған”, – деген өлең жолдары ойыма орала …
Халқымыз “Ата – асқар тау, ана – бауырындағы бұлақ, бала – жағасындағы құрақ” , – деген қанатты тәмсілді бекер айтпаған. Баланы қоғамға пайдалы азамат етіп өсіру әке-шешенің ең маңызды міндеті саналады. Өнегелі ұрпақ тәрбиелеп, отбасының мәуелі бәйтерегіне айналған қос қария Жанәбіл мен Жібек Мұхамеджановтар – көпке үлгілі жандар. Қос аққудай жарасқан қарияларды көргенде көңілді қуаныш …
Жамбыл ауданында қазақ әдебиетінің классигі, жазушы Сәбит Мұқановтың есімін иеленген ауыл құрып кетудің аз-ақ алдында тұр. Бұрын тыныс-тіршілігі қайнап жататын елді мекеннің мектебі де жабылып қалған. Сәбит ауылы Петропавлдан 200 шақырымдай жерде орналасқан. 2009 жылғы санақ кезінде мұнда 155 тұрғын болса, қазір небәрі бес-ақ үй қалған. Оның өзі көшкелі отыр. “Ауыл – елдің алтын бесігі …
М.Қозыбаев атындағы Солтүстік Қазақстан университеті тарих мұражайының қабырғасында көрнекті ғалым, белгілі археолог Виктор Зайбертті еске алу кеші өтті. Шараға Виктор Федоровичтің туыстары, достары, әріптестері мен шәкірттері қатысып, оның ғылыми мұрасы туралы әңгімеледі. Виктор Зайберт – тарих ғылымдарының докторы, археология профессоры, Қазақстанның Әлеуметтік ғылымдар академиясының корреспондент-мүшесі. Бүкіл әлемге Ботай мәдениетін таныстырған зерттеушінің артына қалдырған мұрасы аз …
Мемлекеттік қызмет істері агенттігі облыстық департаменті мемлекеттік әкімшілік қызметшілерге тәртіптік жаза қолдануға қатысты тұрақты негізде талдау жүргізуді дәстүрге айналдырған. Әр тоқсан сайын материалдарды қарау барысында персоналды басқару қызметтері мамандарына қатысты тергеп-тексеру жүргізу кезінде тәртіптік жаза қолдану рәсімдерін бұзғандар анықталып, олар тиісті жазаларын алып жатады. Жыл басынан бері жүргізілген талдау қорытындылары бойынша тәртіптік жаза қолдану туралы …
2024-2025 оқу жылынан бастап кей колледждерде оқу мерзімі қысқартылады. Оның себебі – жұмысшы мамандықтарға деген сұраныстың артуы. Кәсіпорындар өндірістік тәжірибеден өткен студенттерді бірден жұмысқа қабылдау тәжірибесін қолдап отыр. Бүгінде облыста 24 колледж бар, оның бесеуі – жекеменшік. Оларда оқитын 11 мыңнан астам студент 70 мамандық бойынша диплом алып шығады. Жұмысшы мамандықтарына сұраныс – 39 пайыз. …
Президент Қасым-Жомарт Тоқаев “Әділетті Қазақстан: заң мен тәртіп, экономикалық өсім, қоғамдық оптимизм” атты Жолдауында ел дамуының болашағын айқындап, әр салаға жеке-жеке тоқталды. Бұған дейін жасалған қолайлы жағдайды тиімді пайдаланып, жаңа инвестициялық кезеңді бастау, осы орайда, еліміздің тұрақты дамуына кепілдік беретін жаңа тетіктерді қарастыру міндетін қойды. Кез келген істің басты өлшемі тиімділік, әрбір шешім, әрбір жоба, …
“AMANAT” партиясы жанынан құрылған халықтық штаб өкілдері АЭС құрылысына қатысты түсіндіру жұмыстарын өңірде одан әрі жалғастырып, оқу орындарын, кәсіпорындарды, аудандарды аралап жүр. Б. Әшімов атындағы Петропавл машина жасау және көлік колледжінде, көпбейінді қалалық ауруханада, М. Қозыбаев атындағы СҚУ-да, металқұрылым зауытында, Солтүстік фанера комбинатында ұжым мүшелерінің қатысуымен атом энергетикасына тікелей қатысты мәселелер жан-жақты талқыланды. Атом энергетикасының …
Ауа райының қолайсыздығынан орақ науқаны жылдағыдан кеш басталса да, диқан қауымының барлық күш-жігері маңдай термен өсірілген ел ризығын шашаусыз жинап алуға жұмылдырылған. Қызылжар ауданындағы “Шағала Агро” жауапкершілігі шектеулі серіктестігі қырды да, қырманды да қызу еңбек дүбіріне бөлеп, механизатор-комбайншылардың тәжірибесі мен заманауи техникалардың көмегін бірегей ұштастырудың қалыптасқан әдісіне сүйенген. Дәнді, дәнді-бұршақты, майлы дақылдар өсірумен айналысатын серіктестік …
Сәбит Мұқанов атындағы облыстық ғылыми-әмбебап кітапханада жерлесіміз, ақын-революционер Баймағамбет Ізтөлиннің туғанына 125 жыл толуына арналған “Жалындап жанған жас өмір” атты еске алу шарасы өтті. Алғашқылардың бірі болып сөз алған облысымыздың құрметті азаматы, Баймағамбет Ізтөлиннің жерлесі Серікбай Құсайынов күрескер ақынның өмірі мен қызметі, шығармашылығы туралы баяндады. Қазақстан Журналистер одағының мүшесі Марал Зейнел-Ғабиқызы әкесі, белгілі жазушы Зейнел-Ғаби …
И.Шухов атындағы орталық қалалық кітапханада Халықаралық қарттар күні қарсаңында өңірімізге белгілі еңбек ардагерлерімен кездесулер ұйымдастырылды. “Sana” әдеби-музыкалық клубы аясындағы “Өңірде із қалдырған есімдер” шарасына облысымыздың құрметті азаматы, белгілі спортшы Жамбыл Тасеменов пен өлкетанушы Сағындық Салмұрзин құрметті қонақ ретінде шақырылды. Библиоэфир барысында олар өнегелі өмір жолдарынан сыр шертті. Түрлі сауалдарға жауап беріп, қоғамдағы өзекті мәселелерді ортаға …
Орман – елдің табиғи байлығының маңызды бөлігі. Республика аумағының үлкен бөлігін шөлейт жерлер алып жатыр. Орманды алқаптар ел аумағының шамамен 4 пайызын ғана құрайды. Дегенмен ормандар экологиялық, экономикалық, және әлеуметтік тұрғыдан аса маңызды. Олар климатты реттеуге, топырақ эрозиясынан қорғауға, биоалуантүрлілікті сақтауға көмектеседі. Қызылжардың ну орманы елдегі ерекше табиғи экожүйелердің бірі саналады. Өңіріміздегі қалың орманның негізгі …
Шайбалы хоккейден ел біріншілігінің кезекті ойынын “Құлагер” клубы өз айдынында өткізді. Осы жолы жерлестеріміз қарағандылық “Сарыарқа” командасымен кездесіп, қос матчта да жеңіс қарсыластарымызға бұйырды. Петропавлдағы Спорт сарайында өткен бірінші кездесуде қарағандылық клуб 1:2 есебімен жерлестерімізді тізе бүктірді. Қарымта ойында солтүстікқазақстандық хоккейшілер есе қайтаруға тырысты. Өкінішке қарай, бұл жолы да жеңіс “Сарыарқа” командасының еншісіне жазылды. Қонақтар …
27 қыркүйек күні Ақжар аудандық полиция басқармасына Талшық ауылындағы мектепте балалардың есінен танғаны, бөлмеден улы иіс шығып жатқаны туралы хабарлама түскен. Тергеу тобының мүшелері мен учаскелік инспектор оқушыларды, техникалық қызметкерлер мен мұғалімдерді ғимараттан эвакуациялаған, содан кейін кабинеттерді тексеруге кіріскен. Тексеру барысында мектептің екі мұғалімінің бұрыш спрейіне қарап тұрғаны, біреуінің спрейді шашқаны, улы газдың ауаға тарағаны …
“Астана – Петропавл” тасжолының 435-ші шақырымында жантүршігерлік жол апаты болып, салдарынан екі адам қаза тапты. “Daewoo Nexia” автомобилі мен “КамАЗ 54105” жүк көлігі соқтығысқан. Жол апаты салдарынан “Daewoo Nexia” жеңіл көлігінің 40 жастағы жүргізушісі мен 39 жастағы жолаушы алған жарақаттарынан оқиға орнында көз жұмды. Ал 17, 19 және 62 жастағы тағы үш жолаушы түрлі дене …
