Soltüstık Казахстан
И.Шухов атындағы орталық қалалық кітапханада Халықаралық қарттар күні қарсаңында өңірімізге белгілі еңбек ардагерлерімен кездесулер ұйымдастырылды.
“Sana” әдеби-музыкалық клубы аясындағы “Өңірде із қалдырған есімдер” шарасына облысымыздың құрметті азаматы, белгілі спортшы Жамбыл Тасеменов пен өлкетанушы Сағындық Салмұрзин құрметті қонақ ретінде шақырылды.
Библиоэфир барысында олар өнегелі өмір жолдарынан сыр шертті. Түрлі сауалдарға жауап беріп, қоғамдағы өзекті мәселелерді ортаға салды. Жамбыл Серғазыұлы отбасы құндылықтары, ерлі-зайыптылар арасындағы сыйластық мәселесін сөз етсе, Сағындық Досмақұлы өз шығармашылығындағы жаңалықтармен бөлісіп, оқырмандарды сиясы кеппеген еңбектерімен таныстырды.
Алтынай СЫЗДЫҚОВА,
И.Шухов атындағы орталық қалалық кітапхананың қызметкері.