АҒАЛАР САЛҒАН САРА ЖОЛ

Soltüstık Казахстан

 Kyzylzhar_akparat@mail.ru

Бір ғасырдан астам тарихы бар облыстық “Soltüstık Qazaqstan” газетінде 1 қазан – Қарттар күні басылым бетінде қолтаңбалары қатталған аға буын өкілдерінің басын бір арнаға тоғыстырып, құрмет көрсету дәстүрі бұрыннан қалыптасқан. Биыл да бұл жолдан жаңылмаған редакция ұжымы еңбек майталмандарын төрге шығарып, мейман етті. Дастарқан басында бір-бірімен сағынысып қауышқан аға-апаларымыз өткен өмір өткелдеріне көз жүгіртіп, қызықты кезеңдерін естеріне алды.

Аға буын өкілдерін осынау жарқын ме­рекемен “Қызылжар-Ақпарат” жауапкер­шілігі шектеу­лі серіктестігінің директоры Ер­бақыт Амантайұлы құттықтап, жүрекжарды лебізін білдірді.

Содан кейін сөз алған жазу­шы-журна­лист, газетімізге ұзақ жыл басшылық еткен Жарасбай Сүлейменов, белгілі қаламгер­лер: Нұрсайын Шәріп, Қошан Қали, Өмір Есқали қарт басы­лым­ның билік пен халық ара­сында көпір болып, Алаш ардақ­тыларының ама­натына адал­дық та­ны­тып келе жатқанын тіл­де­ріне тиек етіп, осы сара жол­ды жалғастырып келе жатқан іні-қарындаста­рына ақ жол тіледі.

Ақан сері атындағы об­лыс­тық филармонияның күй­шісі Диас Серікбай күй шертсе, бір­неше мегажо­баның қатысушы­сы, әнші Махамбетәлі Әбілда ән­нен шашу шашты. “Soltüstık Qa­zaqstan” газеті эконо­мика бөлі­мі­нің меңгеру­шісі, ай­тыс­кер ақын Диас Аяған ар­нау айтып, кеш­тің шы­райын кіргізе түсті.

Самрат ҚҰСКЕНОВ,

“Soltüstık Qazaqstan”.

Суретті түсірген

Шыңғысхан БЕКМҰРАТ.