Soltüstık Казахстан
Сәуір айынан бүгінгі уақытқа дейін өңірде кене шағудың 643 жағдайы тіркелді. Өткен аптаның өзінде 12 адам дәрігерлердің көмегіне жүгінген.
Эпидемиолог-мамандардың айтуынша, тіркелген 643 деректің 28 пайызында қансорғыштар 14 жасқа дейінгі балаларды шаққан.
– Биыл 4 адамға кене энцефалиті және тағы соншасына лайм-боррелиоз диагнозы қойылды. Облыста Айыртау ауданы эндемиялық аудан болып есептеледі. Мемлекеттік тапсырыс бойынша осы ауданда сәуір-қыркүйек айларында дезинсекциялық шаралар жүргізілді, – дейді облыстық санитарлық-эпидемиологиялық бақылау департаменті басшысының орынбасары Арман Күшбасов.
Кене энцефалитінің табиғи ошағында жұмыс істейтіндерге тұрғылықты мекенжайы бойынша тіркелген емханада вакцина қойылады.
Ақерке ДӘУРЕНБЕКҚЫЗЫ,
“Soltüstık Qazaqstan”.