Soltüstık Казахстан
И.Шухов атындағы орталық қалалық кітапхана жанынан құрылған “Sana” әдеби-музыкалық клубының ұйымдастыруымен академик Аманжол Қошановтың туғанына 90 жыл толуына орай “Тұлғасында тоғысқан алуан дарын” атты еске алу кеші өтті.
Шарада Шал ақын ауданында дүниеге келіп, еліміздің экономика саласының дамуына өлшеусіз үлес қосқан ғалымның өнегелі өмірі жайлы айтылды. Әсіресе өскелең ұрпақ экономика ғылымдарының докторы, профессор, Қазақстан Республикасының еңбек сіңірген қайраткерінің тағылымға толы еңбек жолы жайлы ерекше қызығушылықпен тыңдады.
Жиында облыстық ішкі саясат басқармасының бөлім басшысы Бағдат Мұқанова, М.Қозыбаев атындағы Солтүстік Қазақстан университетінің оқытушысы, тарих ғылымдарының кандидаты Зәуре Қартова, Шал ақын аудандық ардагерлер кеңесінің төрағасы Тұрар Оразалин, Аманжол Қошановтың жиені Абылай Балтабаев пен өзге де қонақтар сөз алып, ғалымның өмірі мен еңбектері жайлы сыр шертті.
Алтынай СЫЗДЫҚОВА,
И.Шухов атындағы орталық қалалық кітапхананың қызметкері.