Заманауи сот ғимараты

Soltüstık Казахстан

 Kyzylzhar_akparat@mail.ru

Ғабит Мүсірепов атындағы аудандық соттың жаңа ғимараты салтанатты түрде ашылды.

Нысанның құрылысы өт­кен жыл­дың қыркүйегінде бастал­ған еді. Бұған дейінгі ескі сот ғима­раты 50 жылдан артық күрделі жөн­деу көр­меген. Салтанатты шараға арнайы келген Қазақстан Респуб­ликасы сот әкімшілігінің басшы­сы Наиль Ах­мет­закиров сот төрелі­гін жүзеге асы­руға арналған әкімші­лік ғимараттың ашылуы аудан­дағы маңызды оқиға­лардың бірі еке­нін атап өтті.

– Мемлекет басшысы құқық үс­темдігі, әділдік, азаматтарымыздың құқықтарын қорғау қағидатына зор көңіл бөледі. Осы ретте сот төрелігі саласындағы реформаларға баса назар аударылған. Инфрақұры­лым­ды жақсарту сот төрелігін са­палы іске асыруды қамтамасыз ету үшін қажет, – деді Наиль Ахмет­заки­ров.

Құрылыс кезінде қауіпсіздік мә­селелеріне және сот талқылаула­рының барлық қатысушылары үшін қолайлы жағдай жасауға ерекше назар аударылды. Ғимарат барлық жаңа технологиялармен жабдық­талған.

Ғабит Мүсірепов атындағы ау­дандық соттың төрайымы Гүлжанат Балғабекованың айтуынша, зама­науи сот ғимаратында азаматтық және қылмыстық іс­терді қарауға арналған сот залы, заңгер және ме­диатор, материал­дармен танысу, сот приставы ка­бинеттері бар. Сал­танатты іс-шара барысында сот жүйесінің, жергілікті атқарушы және құқық қорғау ор­гандарының өкіл­деріне сот ғимара­тына экскурсия жүргізілді.

Шолпан САЛЫҚОВА,

журналист.