Soltüstık Казахстан
Облыстық полиция департаментінің бастығы Айдын Қабдұлдиновтың тапсырмасы бойынша аумақтық полиция бөліністерінің басшылығы дін өкілдеріне интернет-алаяқтықтың алдын алуда көмек көрсету туралы өтінішпен жүгінді.
Алаяқтар өздерін құқық қорғау органдарының қызметкерлері, “Қазпошта”, “СевКазЭнерго” және басқа ұйымдардың қызметкерлері ретінде таныстырып, телефон арқылы SMS-хабарламалардағы кодтарды немесе банк картасының деректерін айтуды талап етеді. Сондай-ақ желілік алаяқтар “AnyDesk”, “TeamViewer”, “HopToDesk”, “AirDroidControl” және басқа да әртүрлі қосымшаларды телефонға орнатуға мәжбүрлейді. Алаяқтар аталған қосымшалар арқылы телефонды бұғаттап, ішіндегі дербес ақпаратты иемденеді. Сонымен бірге, “egov.mobile” мобильді қосымшасында “Банктік қарыздар мен микрокредиттерді алудан ерікті түрде бас тарту” қызметін қосуға болатынын білген абзал.
Әсет ҚАНАФИН.