Бүкпесіз әңгіме, ортақ мәміле

Soltüstık Казахстан

 Kyzylzhar_akparat@mail.ru

Маған “Әдеп жөніндегі уәкіл не істейді?” деген сауал жиі қойы­лады. Бұл сұраққа “Мен – дағ­дарыс менеджерімін”, – деп қыс­­қаша жауап беремін. Тарқата айтатын болсақ, басты міндетім – мемлекеттік қызметшілер мем­лекеттік қызмет, сыбайлас жем­қорлыққа қарсы іс-қимыл туралы заң мен мемлекеттік қызметші­лер­дің әдеп кодексін бұзған бол­са, нақты шаралар қабылдау, ке­леңсіздіктердің алдын алу, шама келсе, болдырмау. Өйткені, күнде­лікті қызмет барысында негіз­сіз дөрекілік көрсетуден бастап сапасыз мемлекеттік қызмет көр­сетуге дейін әртүрлі көңіл жа­бырқататын оқыс жайттардың кез­десіп жататыны жасырын емес. Осындай сәттерде жапа ше­гу­ші азамат қайда жүгінерін білмей, дағдарып қалатыны бар.

Жұмысымның басым бөлігі ең­бек ұжымында өтетіндіктен, түрлі сипаттағы жанжалдар туындаған кезде мемлекеттік қыз­метшілерге тікелей көмек көрсетуге әркез әзірмін. Кейде еңбек жолын енді ғана бастаған жас мамандар тәжірибесіздігі­нен, албырттығынан белгілі бір тү­сініспеушілікке тап болып жа­тады. Бұл орайда, ашық та бүк­песіз әңгімелесу мен ортақ мә­мілеге келуден бұрын түсінбеу­ші­ліктің себеп-салдарын біліп ал­ған жөн. Әлбетте, қос тараптық дау-дамай ашу-ызасыз шешіл­се, жүйке де жұқармайды, ұжым­дағы орнықты ахуалға да көлең­ке түспейді. Кейде қызметкерлер өз проблемалары туралы ашық айтуға батпай, тартыншақтанып тұрады. Бәлкім, ішкі сырын сырт­қа шығарғысы келмеуі мүмкін. Мұндайда анонимді сауалнама­ға жүгінген абзал. Осылайша кері байланыс орнату арқылы ұжымның жалпы тынысы, адам­дардың көңіл-күйі жайлы ақпа­ратты молырақ қамтуға мүмкін­дік туады.

Департамент қызметкерле­рі­нің қызметтік әдеп нормаларын сақтауын үнемі қадағалау бары­сында олармен тығыз байланыс жасаудың жетілдірілген, орнық­қан әдіс-тәсілдерін барынша қол­дануға тырысамын. Осы ретте, бұқаралық ақпарат құралдары мен әлеуметтік желілердің жа­рияланымдарын талдап отыру­дың мәні айрықша. Оң пікірлер түскенде қанаттанып, жағымсыз сипаттағы фактілерге сыни тұр­ғыдан қарап, қорытынды шыға­руға ұмтыласың.

 Бүгінгідей заманауи дамыған әлемде адам мен мемлекеттің дамуы үшін мәселелерді шешу­де өзара іс-қимыл мен түсіністік диалогының әсері айтарлықтай екеніне тәжірибеде анық көз жеткізіп отырмын.

Абзал ОРАЗЫМБЕТОВ,

 облыстық жер ресурстарын басқару департаменті құқықтық қамтамасыз ету және ұйымдастыру жұмысы бөлімінің басшысы, әдеп жөніндегі уәкіл.