Soltüstık Казахстан
Мәселен, биыл жұмысқа орналасқан адамдардың саны – 1048, оның ішінде 715 адам тұрақты жұмыспен қамтылған. Жаңа жұмыс орындарын құру есебінен өнеркәсіпте – 26, құрылыста –15, ауыл шаруашылығында – 179, кәсіпкерлік саласында 97 жұмыс орны ашылды. Жұмыс берушілердің өтінімдері бойынша уәкілетті орган арқылы 345 адам екі қолға бір күрек тапты. Қоғамдық ақылы жұмыстарға 174 адам жіберілді. “Жастар тәжірибесі” бағдарламасы бойынша жоғары және арнаулы орта оқу орындарын тамамдаған жастар арасынан 31 адам жұмысқа орналастырылды. Аудан бойынша экономикалық белсенді 8519 тұрғынға есептегенде тіркелген жұмыссыздық деңгейі 2,4 пайызды құрайды немесе 204 адам.
Жыл басынан бері тоғыз рет бос жұмыс орындары жәрмеңкесі өткізіліп, оған 35 жұмыс беруші қатысты. 505 бос жұмыс орны ұсынылып, 20 адам жұмысқа орналастырылды, 32 адам жұмыспен қамтудың басқа да белсенді шараларына жолдама алды.
Рүстем Мұқашұлы аз қамтылған отбасыларды қолдау нысандарының бірі атаулы әлеуметтік көмек (АӘК) тағайындау болып табылатынын атап өтті. Мемлекеттік атаулы әлеуметтік көмек 45 отбасыға тағайындалып, 214 азаматқа 16,3 млн. теңге берілді. Жұмыспен қамтуға жәрдемдесудің белсенді шараларына қатысқан аз қамтылған отбасыларға 7,7 млн. теңге теңге тағайындалып, 57 әлеуметтік келісімшарт жасалды. Отбасының өмірлік қиын жағдайдан шығуының жеке жоспары шеңберінде 9 адам жұмысқа орналастырылды, 5 адам қоғамдық ақылы жұмысқа жіберілді, 1 грант рәсімделді.
Ауданда 490 мүгедек адам тұрады, олардың 46-ы –16 жасқа дейінгі балалар. 76 адамның есту, 52 адамның көру қабілеті нашар. 53 адам арбаға таңылған, оның тоғызы – балалар. Жалғыз тұратындар – 46, оның 31-і – қарт, 15-і – мүгедек, онының туысы жоқ. 25 зейнеткер және 3 мүгедек жанға үйде күтім көрсетіледі, бұл мақсатқа жергілікті бюджеттен 22,9 млн. теңге бөлініп, 15,5 млн. теңгесі игерілді. Бұдан бөлек, 6 мүгедек балаға үйде қызмет көрсетіледі, оларға 2,3 млн. теңге қарастырылған.
Өмір ЕСҚАЛИ,
“Soltüstık Qazaqstan”.