Ақтастың мақтанышы

Soltüstık Казахстан

 Kyzylzhar_akparat@mail.ru

Ақтас ауылдық кітапханасында тарих ғылымдарының докторы, профессор Бүркітбай Аяғанның 70 жасқа толған мерей-тойына арналған іс-шара ұйымдастырылды. Шараға қатысқан мектеп оқушылары жерлесіміздің ғылым жолымен танысып, еңбектері туралы ой бөлісті.

Бүркітбай Ғелманұлы 1954 жы­лы Есіл ауданындағы Ақтас ауы­лында дүниеге келген. 1979 жылы Абай атындағы Қазақ мемлекеттік университетінің тарих факультетін тамамдағаннан кейін жоғары білім беру саласында еңбек етті. Жа­лын­даған жастық шағынан бастап күні бүгінге дейін қолынан қаламы түспеген зерделі ғалымның отан­дық тарих ғылымына сіңірген ең­бе­гі елеулі. Қазақстан тарихын бү­гінгі тәуелсіздік тұрғысынан жа­ңа­ша талдап, баға беруде, өтпелі қо­ғамдағы саяси жүйенің қалыпта­суы мен эволюциясын зерттеуде, бұрын белгісіз құжаттарды ғылы­ми айналымға қосуда үлкен еңбек сі­ңір­ген. Қазақтың кесек тұлғала­ры­ның өмірі мен саяси қызметте­рін те­реңнен зерттеп, ғылыми жұ­мыс­тар, сондай-ақ орта мектептер мен жо­ғары оқу орындарына ар­нап оқу­лықтар жазған. Профессор 300-ден астам ғылыми мақала, мектеп пен жоғары оқу орында­ры­на ар­налған оқулықтар, моногра­фия, эн­циклопедиялардың ав­торы.  

Ғұмырын ғылымға арнаған азаматтың мерейтойы оның туған ауылы үшін де елеулі оқиға сана­лады. Жергілікті кітапханада жас­тардың қатысуымен аталған ша­ра­ның өтуі де осының бір көрінісі. Кітапханаға келген мектеп оқушылары қазақ тарихы туралы құнды ақпарат алып, ғалымның өмір белестеріне шолу жасады.

Әлия ҚОСПАНОВА,

Ақтас ауылдық кітапханасының кітапханашысы.

Есіл ауданы.