ТҮРКІ ХАЛЫҚТАРЫНЫҢ ҮЗДІК СТУДЕНТІ

Soltüstık Казахстан

 Kyzylzhar_akparat@mail.ru

М.Қозыбаев атындағы Солтүстік Қазақстан университетінің студенттері жастар арасындағы байқауларға қатысып, үздіктер қатарынан көрініп жүр.

“Bilim-orkenieti” ұлттық инно­ва­циялық ғылыми-зерттеу орта­лығының ұйымдастыруымен “Түркі халықтарының үздік сту­денті” халықаралық форумына қатысқан жастарымыз жүлделі орындармен оралды. Екі кезең­нен құралған байқау дарынды сту­денттерді біріктірді. Бірінші кезеңде қатысушылар оқудағы, ғылымдағы, шығармашылықтағы жетістіктерімен таныстырды. Одан кейін іріктеу қорытын­дысы бойынша үздіктер Астана­да өтетін халықаралық форумға шақырылып, жеңімпаздар марапатталды. Оған отандық ғалым­дар, қоғам қайраткерлері, БАҚ өкілдері қатысты. Нәтижесінде жергілікті оқу орнының студент­тері Лейла Берікова, Ажар Сыз­дықова, Гүлнұр Мұхамбетова бі­рінші дәрежелі диплом иеленіп, “Түркі халықтарының үздік студенті” атанды.

Ал Тіл және әдебиет инсти­тутының студенті Алуа Бекбаулова мен математика және жа­ратылыстану ғылымдары фа­культетінің студенті Гүлзада Сей­дікәрім “Қазақстанның үздік сту­денті” республикалық байқауының жеңімпаздары атанды. Атал­ған шара Мемлекет басшысы Қасым-Жомарт Кемелұлы Тоқаевтың “Адал адам – Адал еңбек – Адал табыс” бағдарламалық мақаласындығы ұлттық құндылық­тарды ел жастары арасында кеңі­нен насихаттау мақсатында өткізілді.

Диана ХАЛИМОВА,

М.Қозыбаев атындағы СҚУ медиа-орталығының бас редакторы.