Soltüstık Казахстан
Өңір полицейлері электронды темекі сатуды кәсіпке айналдырды деген күдікпен 19 жастағы жігітті ұстады. Кінәсі дәлелденсе, 5 жылға дейін бас бостандығынан айырылуы мүмкін.
Ер адамға осы жылдың маусым айынан бастап саудасына тыйым салынған вейпті сатумен айналысты деген айып тағылып отыр. Тәртіп сақшылары жігіттен жалпы сомасы 6 млн. теңгеден асатын 545 вейп, сұйықтық құйылған 334 ыдыс, құрамында никотині бар 165 сағыз тәркіледі.
Шегілмейтін темекі өнімдерінің, электрондық тұтыну жүйелерінің (вейптердің), хош иістендіргіштер мен оларға арналған сұйықтықтарды сату фактісі бойынша сотқа дейінгі тергеу басталды. Қылмыстық кодекстің 301-1-бабының санкциясы бойынша мұндай қылмыс жасағандарға 200 айлық есептік көрсеткіш көлеміндегі айыппұлдан бастап 5 жылға дейінгі мерзімге бас бостандығынан айыру жазасы көзделген.
Игорь МЕРЦАЛОВ,
облыстық полиция департаменті ақпараттық саясат бөлімінің жетекші маманы.