Soltüstık Казахстан
Мемлекеттік қызмет істері агенттігі Солтүстік Қазақстан облысы бойынша департаментінің басшысы Ержан Қарымсақов сот әкімшілігі департаментінің қызметкерлерімен кездесті.
Спикер қолға алынған реформалардың басымдықтарына, азаматтарға көрсетілетін қызметтердің сапасын арттыру, мемлекеттік аппараттың тиімді жұмыс атқаруы үшін заманауи жағдайлар жасау, цифрлық технологияларды енгізу жайына тоқталды.
Ол өз сөзінде мемлекеттік қызметшілердің ынта-жігерін арттырып қана қоймай, жұртшылықтың сенімін нығайту міндеті қойылып отырғанын, ашықтық, кәсібилік басты талап болып табылатынын атап өтті.
Басқосуда заң нормаларын басшылыққа алу, жұмыс кестесінің сақталуын бақылау, Әдеп кодексі ережелерінің бұзылуына жол бермеу, заң нормаларын қатаң сақтау, құқық бұзушылықтардың алдын алу жолдарын қарастыру, әрбір қызметкердің дербес жауапкершілігін арттыру мәселелеріне баса назар аударылды.
Сот әкімшілігінің қызметкерлері ашық әңгімелесу барысында өз ойларымен бөлісіп, сұрақтарға толыққанды жауап алды. Реформаларды табысты жүзеге асыру мемлекеттік қызметтің барлық қатысушыларының бірлескен күш-жігеріне байланысты екені айтылды.
Әсемгүл БЕГАЛИНА,
Мемлекеттік қызмет істері агенттігі Солтүстік Қазақстан облысы бойынша департаментінің бас маманы.