Soltüstık Казахстан
Білім туралы құжаттарды тану қызметі енді «eGov Mobile» мобильді қосымшасында қолжетімді болмақ. Бұл азаматтарға орта және орта білімнен кейінгі білім туралы құжаттарының түпнұсқалығын тікелей мобильді құрылғыдан тексеруге мүмкіндік береді. Бұған дейін қызмет тек «eGov.kz» порталында қолжетімді болған еді.
Сонымен қатар бұл қызмет жоғалған құжаттардың төлнұсқаларын алу және шетелде білім алғанын растау процесін айтарлықтай жеңілдетеді. Осы арқылы пайдаланушылар бұрын алған білімдерін растайтын куәлікті тез және ыңғайлы түрде рәсімдейді, жоғалған құжатты қалпына келтіреді немесе шетелде білім алғанын растай алады.
Қызметті пайдалану үшін:
«eGov» мобильді қосымшасында авторизациядан өтіп, «Қызметтер» – «Білім» бөліміне өту қажет;
«Орта, техникалық және кәсіптік, орта білімнен кейінгі білім туралы құжаттарды тану» қызметін таңдау керек;
-қажетті өрістерді толтырып, құжаттарды тіркеу және дербес деректерді пайдалануға келісім беру қажет;
өтінімге «Face ID/Touch ID» арқылы қол қоюға болады.
Нәтижені пайдаланушы қосымшаның жеке кабинетінде бақылай алады.
Жаңа сервис Цифрлық даму, инновациялар және аэроғарыш өнеркәсібі министрлігінің Мемлекеттік көрсетілетін қызметтер комитеті, «Ұлттық ақпараттық технологиялар» АҚ және Оқуағарту министрлігінің бірлескен жұмысының арқасында іске асырылды.
Жайнагүл СЕЙДАХМЕТОВА,
«Ұлттық ақпараттық технологиялар» АҚ қоғаммен байланыс басқармасының қызметкері.