Soltüstık Казахстан
Солтүстік Қазақстан облысында өңірлік кеңеске сайлауға қатысуға кандидаттардан өтінімдер қабылдау аяқталды. 2024 жылдың аяғына дейін кәсіпкерлер палатасына аудандық және салалық кеңестер өкілдерінен 32 өтінім келіп түсті.
Құрамына мәслихат депутаттары, партия өкілдері мен кәсіпкерлер кіретін арнайы құрылған өңірлік сайлау комиссиясының мүшелері өтінімдерді қабылдау барысында қажетті рәсімдердің сақталуын қадағалады.
«Желтоқсанның аяғында өтінімдерді қабылдау ресми түрде аяқталды. Өңірлік кәсіпкерлер палатасы жанында 13 аудандық және 8 салалық кеңес жұмыс істейді. Келіп түскен барлық өтінімдерді өңірлік сайлау комиссиясы қарайтын болады. Кандидаттардың құжаттарын тексеру және комплаенс-бақылау үшін өтінімдер палата жанындағы сайлау комиссиясына жіберіледі. Осыдан кейін кандидаттарды тіркеу туралы шешім қабылданады», – деді облыстық кәсіпкерлер палатасының директоры Есжан Оразалин.
Кәсіпкерлер палатасының өңірлік кеңесіне сайлау 2025 жылғы қаңтар айында өтеді. Бекітілген ережелерге сәйкес, делегаттарды сайлау тікелей дауыс беру арқылы өткізіледі және кеңестің жаңа құрамына 24 кәсіпкер кіреді.
Сағынгүл ІРГЕБАЕВА,
облыстық кәсіпкерлер палатасының баспасөз хатшысы.