«Мал шаруашылығын дамыту үшін жайылымдық жерлерді кеңейту керек. Қазақстан әлем бойынша жайылымдық жерлердің көлемі бойынша бесінші орында тұрса да, оның тек 40 пайызын ғана пайдаланады. Осы орайда мұндай жерлерді фермерлерге беру тетігін қысқартып, жетілдіру қажет. Отарлы жайылымдарды игеру жұмысын да күшейту қажет. Жеке кәсіпкерлерге құдық немесе су ұңғымасын қазуға көмектесу керек. Үкімет пен әкімдер алдағы он жылда қосымша 50 млн. гектар жайылымды айналымға енгізуі керек», деді Мемлекет басшысы Қасым-Жомарт Тоқаев ауылды және агроөнеркәсіп кешенін дамыту мәселелері жөнінде Петропавлда өткізген республикалық кеңесте.