Облыс полицейлері өткен жылдары түрлі себеппен ашылмай қалған 8 қылмыстық істі аяғына жеткізді. Тайынша ауданында өткізілген жедел шаралар нәтижесінде 2001 жылдың күзінде болған қарақшылық шабуылға қатысқандар әшкереленді. Бетперде киген екі адам Тайынша қаласындағы тұрғын үйлердің біріне басып кіріп, қожайынын жаралап, ақшасы мен азық-түліктерін алып кеткен. Аталған қылмыстық істің материалдары қайта қаралып, қарақшылардың бірі өзге қылмыс үшін абақтыда отырғаны, ал екіншісі бірнеше жыл бұрын қаза тапқаны анықталды.
- 09.05.2025
- 1 қаралым