Кеше түстен кейін Петропавл қаласында Батыр Баян көшесіндегі тоғыз қабатты тұрғын үйде өрт шыққан. Ең жоғарғы қабаттағы балконда тұтанған от кешікпей көрші балконға жетіп, 15 шаршы метрдей аумақ өртенді. Оқиға орнына жеткен өрт сөндірушілер автобаспалдақ арқылы 9 жасар баланы құтқарды. Үйдің 37 тұрғыны қауіпсіз жерге шығарылды. Өрт бір сағат шамасында толық сөндірілген.