«Назарбаев Зияткерлік мектептері» дербес білім беру ұйымы Қамқоршылық кеңесінің шешімімен Светлана Испусинова Басқарма төрайымы болып тағайындалды.
Светлана Бағытқызы Испусинова 1978 жылы Гурьев педагогикалық университетін «тарих және қоғамтану» пәнінің мұғалімі мамандығы бойынша тәмәмдаған. Тарих, мемлекет негізі мен құқығы пәндерінің мұғалімі. 2009 жылдан бері Назарбаев Зияткерлік мектептері жүйесінде қызмет етіп келеді. Ол адами ресурстарды басқару департаментінің директоры, атқарушы директоры болды. 2012 жылдың қыркүйек айынан бастап Басқарма төрайымының орынбасары қызметін атқарды.
Назарбаев Зияткерлік мектептерінің бұрынғы басшысы Куләш Шамшидинова биыл ақпан айында Білім және ғылым министрі қызметіне тағайындалған болатын.