Петропавлда “Солтүстік Қазақстан облысы ауыл шаруашылығы қызметкерлерінің салалық кәсіподағы” қоғамдық бірлестігінің IV кеңесі өтіп жатыр.
Қоғамдық ұйымның 2018 жылы атқарған жұмыстарын талқылауға арналған алқалы жиынға облыс әкімінің орынбасары Дәурен Жандарбек қатысуда.
Бүгінгі таңда аталмыш саладағы бастауыш кәсіподақ ұйымдарының саны 125-ке жеткен. Оларға 6 мыңнан астам адам мүшелік етеді. Өткен жылы бұл ұйымдар бірқатар әлеуметтік акция өткізген.
Жиын барысында кәсіподақ қозғалысының бір топ белсендісі мен ардагері «Еңбек даңқы» және «Құрметті ардагер» медальдарымен марапатталды.
Бұл туралы толығырақ газетіміздің ертеңгі нөмірінен оқи аласыздар.