“Nur Otan” партиясының XVIII съезінде көпбалалы, табысы төмен отбасылар, сондай-ақ, мүмкіндігі шектеулі бала тәрбиелеп отырған аналар үшін баспанаға қолжетімділікті арттыру мақсатында Үкіметке Тұрғын үй құрылыс жинақ банкі арқылы жылдық үстемеақысы 2-3 пайыз болатын бағдарлама жасау тапсырылған болатын.
Осы күнге дейін көпбалалы отбасылар банктерден көпшілікпен бірдей ипотекаға баспана алып келген еді. Енді мемлекет ұсынып отырған аз мөлшердегі үстемеақымен үй алу көпбалалы отбасылар үшін айтарлықтай қолдау болып отыр. Бүгінде облысымызда 359 көпбалалы отбасы пәтер кезегінде тұр. Үстіміздегі жылы олардың 30 пайызын, яғни 93 отбасын жалға беру бағдарламасы арқылы баспанамен қамту көзделген. Сондай-ақ, мұндай отбасыларға мамыр айынан бастап Тұрғын үй-құрылыс жинақ банкі арқылы аз мөлшерлемемен несие беру жоспарлануда.
Көпбалалы отбасылардың тұрғын үй мәселесі алдағы екі жарым жыл ішінде толық шешіледі деп күтілуде.
Гүлмира МӘУЛЕТБАЕВА, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары.